Ringgas ma ho tondingku song lyrics

1.Ringgas ma ho tondingku mamuji Debatanta i

Ai diparmudumudu ho unang halupahon i

Disesa do dosamu, didaoni sahitmi,

diudut do hosamu, diburi tondimi

Huhut diapulapul roham na marsak i

Asa tung lam humibul mingot uhumNa i

Dibaen holong rohaNa Di angka na porsea i

Ai ndada dilaluhon tu hita rimas i

Sai lam dipatuduhon denggan basaNa i:

Ai songon hasundutan dao sian purba i

Holang dibaen Ibana sude dosanta i

Suman tusi Jahowa marnida na porsea i

Diboto do mulanta na sian tano i

Tudoshon bungabunga tudoshon bulung i

Disi ro habahaba mamintor habang be

Suman tusi do jolma, sai mate do sude.

Saleleng ni lelengna di tonga huriaNa i

Di surgo habangsaNa hinaliangan ni

Sude parhaladoNa na sun badia i

Na sai tongtong mamuji pasangap Tuhan i

Ho pe tondingku puji tongtong goarNa i.